თამაშს გააჩნია ღია სამყაროს გარემო, სადაც ვირტუალური კამერა წარმოდგენილია მესამე პირის ხედვით. სიუჟეტი ვითარდება აშშ-ის გამოგონილ შტატ სან-ანდრეასში, რომელიც დაფუძნებულია ნევადისა და კალიფორნიის შტატზე. სან-ანდრეასი მოიცავს სამ ქალაქს: ლოს-სანტოსი, (რომელიც დაფუძნებულია ლოს-ანჯელესზე), სან-ფიერო (დაფუძნებული სან-ფრანცისკოზე) და ლას-ვენტურასი (დაფუძნებული ლას-ვეგასზე. ერთმოთამაშიანი რეჟიმი მოიცავს კარლ „სი ჯეი“ ჯონსონის ისტორიას — ყოფილი განგსტერი, რომელიც დედის სიკვდილის შემდეგ ბრუნდება ლიბერტი-სიტიდან სახლში, ლოს-სანტოსში, სადაც იგი აღმოაჩენს, რომ მისი მეგობრები და ოჯახი დასუსტებულია. თამაშის მიმდინარეობისას სი-ჯეი ცდილობს აღადგინოს თავისი ძველი ბანდა და გაიგოს დედის გარდაცვალების ნამდვილი მიზეზი. სიუჟეტი დაფუძნებულია ლოს-ანჯელესში მომხდარ სხვადასხვა რეალურ მოვლენებზე.
„San Andreas“ მიჩნეულია ყველა დროის ერთ-ერთ საუკეთესო ვიდეო თამაშად. კრიტიკოსებმა ძირითადად შეაქეს თამაშის მუსიკა, სიუჟეტი და გეიმპლეი. იგი 2004 წლის და PlayStation 2-ის ყველაზე გაყიდვადი თამაშია. 2011 წლის მონაცემებით საერთო გაყიდვებმა 27.5 მილიონი ასლი შეადგინა. საერთო განხილვების საიტ Metacritic-ზე თამაში ფლობს 95/100. „San Andreas“ პორტირებული იქნა სხვადასხვა პლატფორმაზე: OS X, Xbox Live, PlayStation Network და მობილურ მოწყობილობებზე, როგორებიცაა iOS, Android, Windows Phone და Fire OS.
გთხოვთ გაიაროთ,
შესვლა
თუ არ ხართ რეგისტრირებული, გაიარეთ
რეგისტრაცია
ინფორმაციის სანახავად!
