მეცნიერება აღმოჩენილია რეკორდული სუპერდედამიწა, რომელსაც ტყვიის მსგავსი სიმკვრივე აქვს

[Hazard]

ასტრონომებმა აღმოაჩინეს ვეებერთელა სუპერდედამიწა, რომელსაც ტყვიის სიმკვრივე აქვს. ეს კლდოვანი პლანეტა შეიძლება ნარჩენი ბირთვი იყოს გაზის გიგანტისა,რომელმაც თავის ვარსკვლავს ზედმეტად ახლოს ჩაუარა.

ეგზოპლანეტას K2-360 b უწოდეს და აქვს დედამიწაზე 7,7-ჯერ მეტი მასა, მაშინ, როცა ზომით ჩვენს პლანეტას მხოლოდ 1,6-ჯერ აღემატება. შედეგად, მისი სიმკვრივე 11 გრამია კუბურ სანტიმეტრზე, რაც ტყვიის სიმკვრივის მაჩვენებელია.
ამის გამო, ის ჩვენთვის ცნობილი ყველაზე მკვრივი პლანეტაა ამ კლასში, რომელსაც ულტრამოკლე პერიოდიან (USP) სუპერდედამიწებს უწოდებენ. მიუხედავად იმისა, რომ საკმაოდ სპეციფიკური კლასია, K2-360 b ჩვენთვის ცნობილ სხვა ყველაზე მკვრივ ეგზოპლანეტათა რიგებში ექცევა.
პლანეტის პერიოდი არის ის, რასაც ჩვენ წელიწადს ვუწოდებთ: რამდენ ხანს უნდება ის ვარსკვლავის გარშემო ერთ შემოვლას. K2-360 b ულტრამოკლე პერიოდიანია იმიტომ, რომ მისი წელიწადი დედამიწის დღეზე უფრო ნაკლებია, სულ რაღაც 21 საათი.
ვარსკვლავთან ასე ახლოს ყოფნამ ასტრონომებს არა მხოლოდ მისი აღმოჩენა გაუადვილა, არამედ ეს ფაქტი გარკვეულ მინიშნებებს გვაძლევს იმის შესახებაც, როგორ გახდა ეს პლანეტა ასე მკვრივი.

K2-360 b 2016 წელს აღმოაჩინეს, როცა NASA-ს მისია K2-მა მისი დედავარსკვლავის წინ პლანეტის ჩრდილი შენიშნა. ახალი დაკვირვებებით ასტრონომებმა ამჯერად მისი მასა და რადიუსი გაზომეს, რომელთა საფუძველზე გამოთვალეს სიმკვრივეც.

ტყვიის მსგავსი სიმკვრივე ამ სუპერდედამიწას ძლიერ გამორჩეულ კლუბში ახვედრებს. მისი სიმკვრივე დედამიწისას (5,5 გრამი კუბურ სანტიმეტრზე) ორჯერ აღემატება, მაგრამ მაინც უფრო მჩატეა, ვიდრე სხვა ძლიერ მკვრივი პლანეტები, მაგალითად, GJ 367b და TOI-1853b.
TOI-4603b-ის სიმკვრივე კუბურ სანტიმეტრზე 14,1 გრამია, მაგრამ იმყოფება იმ კიდეზე, სადამდეც შეიძლება მას...

პოსტის სანახავად უნდა იყოთ რეგისტრირებული ფორუმში გაიარეთ ავტორიზაცია ან დარეგისტრირდით ფორუმში,.